BYD Bakı Mərkəzinin əməkdaşları “E-Journey 2026” proqramı çərçivəsində Çində keçirilən beynəlxalq texnologiya səfərinə qatılıblar. Səfər Azərbaycan, Gürcüstan, Özbəkistan, Tacikistan və Qazaxıstandan nümayəndələri bir araya gətirib. Məqsəd iştirakçıları BYD-nin innovativ texnologiyaları, istehsal prosesləri və gələcək mobillik həlləri ilə tanış etmək olub.
İştirakçılar Çinin Çjençjou şəhərindəki BYD Di Space ekspozisiya mərkəzini ziyarət ediblər. Burada Blade Battery, DM Super Hybrid və e-Platform 3.0 kimi texnologiyalar nümayiş olunub. Xüsusilə batareya təhlükəsizliyi və enerji səmərəliliyi vurğulanıb.
Proqramın ən diqqətçəkən hissəsi BYD-nin ultrasürətli FLASH Charging texnologiyasının canlı təqdimatı oldu. 5 dəqiqə ərzində batareyanın 10%-dən 70%-ə doldurulması nümayiş etdirildi və 400 km məsafə qət edilə biləcəyi bildirildi.
Nümayəndələr BYD Zhengzhou Circuit test poliqonunda dinamik sınaqları izlədilər. Müxtəlif yol şəraitlərində performans və təhlükəsizlik imkanları nümayiş olundu. YANGWANG U8 modeli 28 dərəcəlik qum təpəsində idarəetmə qabiliyyətini göstərdi.
Səfər çərçivəsində dünyanın ən böyük yeni enerji avtomobil istehsal mərkəzlərindən olan zavod ziyarət edildi. Mətbuat konfransında təcrübələr ümumiləşdirildi və BYD-nin gələcək mobillik vizyonu müzakirə olundu.
“E-Journey 2026” BYD-nin texnologiya, istehsal və davamlı mobillikdə liderliyini bir daha təsdiqlədi. BYD Bakı Mərkəzi Azərbaycanda rəsmi dilerdir və Babək prospekti 49 ünvanında fəaliyyət göstərir. Əlaqə: 010 239 10 01, Instagram: @byd.baku
