Dünyada populyarlaşan bu trend Azərbaycana da gəlib çatdı. Mobil operatorlar istifadəçiləri aktiv həyata təşviq etmək üçün addımları rəqəmsal mükafatlara çevirir.
Azərbaycanda bu sahədə ilk olan "Azercell" "GiqaAddım" kampaniyasına start verib. İdeya sadədir: addım at və internet qazan.
Gündə 10 min addım atanlar 1 GB internet əldə edir. 7 gün ardıcıl hədəfə çatanlara isə əlavə 5 GB bonus verilir. Kampaniya "DigiMax", "Premium+", "SuperSən" və "Premium" tarif abunəçiləri üçün keçərlidir.
Proses tam rəqəmsaldır. "Azercell" mobil tətbiqinə daxil olub qoşulmaq kifayətdir. Addımlar avtomatik hesablanır.
Artıq gəzinti sağlamlıqla yanaşı internet qazanmaq üçün də faydalıdır.
