"Kontakt" şəbəkəsi "Baku Flames" yaradıcılıq festivalında qalib gəldi. Region məktəblilərinə dəstək məqsədi daşıyan "Təhsil üçün yanındayıq, #yaxındayıq" layihəsi "Qızıl Alov" mükafatına layiq görüldü.
Festivalda yerli və beynəlxalq nümayəndələr iştirak edirdi. "Kontakt"ın layihəsi "Film" kateqoriyasında "Korporativ Sosial Məsuliyyət" nominasiyasında əsas mükafatı qazandı.
Layihə çərçivəsində beş region mağazasında xüsusi dərs otaqları yaradıldı. Bu otaqlar notbuk, printer, masa-stul dəsti və digər avadanlıqlarla təmin olundu.
Müştəri əlaqələri və marketinq departamentinin direktoru Nərminə İsmayılova: "Regionlarda yaşayan məktəblilər üçün daha əlçatan öyrənmə mühiti yaratmaq istədik. Bu dəyər görməsi sevindiricidir."
"Kontakt" illərdir "Təhsil Proqramı" çərçivəsində Azərbaycanda davamlı layihələr həyata keçirir.
