Mayın 26-da "Uşaqların Sağlam Gələcəyi" reabilitasiya mərkəzində "McDonald's Azərbaycan" tərəfindən "McHappy Day" xeyriyyə aksiyası çərçivəsində toplanan vəsaitlə alınan tibbi avadanlıqlar təqdim edilib.
Serebral iflicdən əziyyət çəkən uşaqlar üçün xüsusi oturacaqlar, vertikalizatorlar və digər reabilitasiya avadanlıqları alınıb.
Mərkəzdə animatorlarla bayram proqramı, yaradıcı fəaliyyətlər və rəqslər təşkil edilib, iştirakçılara "McDonald's" ikramları verilib.
Tədbirə şirkət nümayəndələri, əməkdaşlar, valideynlər və uşaqlar qatılıb.
"McHappy Day" hər il keçirilən ən böyük xeyriyyə təşəbbüslərindən biridir.
"McDonald's Azərbaycan" uzun müddətdir sosial layihələr həyata keçirir və xüsusi qayğıya ehtiyacı olan uşaqları dəstəkləyir.
Şirkət bütün iştirakçılara təşəkkür edir: "Birlikdə uşaqların həyatını yaxşılaşdıra bilərik."
