Mingəçevir Dövlət Universiteti (MDU) və Gənclər və İdman Nazirliyinin birgə təşkilatçılığı ilə "I MDU Yaşıl Kampus İdman Festivalı" keçirilib. Festival Ümummilli lider Heydər Əliyevin anadan olmasının 103-cü ildönümünə həsr olunub.
Tədbirdə 3000-dən çox iştirakçı yer alıb. Məqsəd gənclər arasında sağlam həyat tərzini təşviq etmək, ekoloji mədəniyyəti gücləndirmək və yaşıl düşüncə tərzini formalaşdırmaqdır.
Festival çərçivəsində marafon, voleybol, futbol, üzgüçülük, velosiped yarışı, stolüstü tennis və eko-yarışlar təşkil olunub. İştirakçılar tədbirə əsasən avtomobilsiz gəlməklə dayanıqlı mobilliyə dəstək nümayiş etdiriblər.
Həmçinin "Green Nutrition Zone" yaradılaraq ekoloji təmiz qidalanma nümunələri təqdim edilib. Festival konsert proqramı ilə yekunlaşıb.