“Mygov” rəqəmsal hökumət platformasında təhsil xidmətləri artır. İllik istifadəsi 320 mini keçən Elm və Təhsil Nazirliyinə aid bir neçə mühüm xidmət artıq platformaya inteqrasiya edilib.
Yeni xidmətlər bunlardır:
- Ali məktəblərin bakalavriat səviyyəsinə qəbul olunan abituriyentlərin qeydiyyatı (60 000 nəfərədək)
- Magistraturaya bakalavrların qeydiyyatı (14 000 nəfərədək)
- Rezidenturaya bakalavrların qeydiyyatı (600 nəfərədək)
- Orta ixtisas təhsili müəssisələrinə qəbul olunanların qeydiyyatı (24 000 nəfərədək)
- Məktəbəqədər təhsil müəssisələrinə elektron sənəd qəbulu (225 000 nəfərədək)
Xidmətlər “mygov”da növbəti tədris ili üçün qəbul və qeydiyyat məqsədilə istifadə ediləcək.
Vətəndaşlar my.gov.az portalında “Xidmətlər” bölməsindən “Elm və Təhsil Nazirliyi” və ya “Təhsil” seçimi ilə xidmətlərə keçə bilərlər.
