Dünyanın ən nüfuzlu robototexnika yarışlarından biri olan "RobotChallenge" ilk dəfə Azərbaycanda keçiriləcək. "Azercell"in dəstəyi ilə təşkil olunan yerli mərhələ 13-14 iyun 2026-cı il tarixlərində Bakı Kristal Zalında baş tutacaq.
Avstriyada təməli qoyulan və Çində inkişaf edən "RobotChallenge" beynəlxalq platforması gənclərə robototexnika, proqramlaşdırma, mühəndislik, süni intellekt və innovasiya sahələrində bacarıqlarını nümayiş etdirmək imkanı verir. Yarış STEAM təhsilini təşviq edəcək və gələcəyin texnologiya mütəxəssislərini yetişdirəcək.
Müxtəlif yaş qruplarından iştirakçılar layihələrini təqdim edəcək, qaliblər isə Çində keçiriləcək beynəlxalq finalda Azərbaycanı təmsil edəcək. Ətraflı məlumat www.robotchallenge.az saytında.
