Azərbaycanın aqrar-sənaye sektorunda mühüm təyinat baş tutub. Uzunillik idarəetmə təcrübəsinə malik Rövşən Mahmudov 'Grand Agro' şirkətinin baş icraçı direktoru (CEO) təyin edilib.
Yeni təyinata qədər 'Prime Cotton' MMC-yə rəhbərlik edən Mahmudov beynəlxalq bazarlara çıxış və rekord istehsal göstəriciləri ilə tanınıb. Onun rəhbərliyi altında şirkət yeni ixrac bazarlarına çıxmış, beynəlxalq sertifikatlar almış və 2025-ci il mövsümündə 152.671 ton xam pambıq tədarük edərək tarixi maksimuma çatmışdır.
'Grand Agro' Azərbaycanda müasir bağçılıq, intensiv kənd təsərrüfatı və aqrar layihələrdə liderdir. Şirkət qabaqcıl texnologiyalar və innovativ yanaşmalarla ölkənin ərzaq təhlükəsizliyinə və qeyri-neft sektorunun inkişafına töhfə verir.
