Naxçıvanda hərbi vəzifəlilər üçün növbəti təlim toplanışı uğurla yekunlaşıb.
Müdafiə Nazirliyinin məlumatına görə, Səfərbərlik və Hərbi Xidmətə Çağırış üzrə Dövlət Xidməti ilə birgə tədbirlər çərçivəsində Əlahiddə Ümumqoşun Ordunun "N" saylı hərbi hissəsində keçirilən toplanış başa çatıb.
Qəbul məntəqəsində hərbi vəzifəlilər qeydiyyatdan və həkim müayinəsindən keçib, işgüzar və mənəvi-psixoloji keyfiyyətləri öyrənilib, hərbi uçot ixtisası üzrə bölüşdürülüb.
Şəxsi heyətlə maarifləndirici söhbətlər aparılıb, hərbi nizamnamələrin tələbləri və təhlükəsizlik qaydaları çatdırılıb.
Toplanışda müasir döyüşün xüsusiyyətlərinə uyğun məşğələlər, atıcı silahlardan və əl qumbaraatanlarından praktiki atış çalışmaları yerinə yetirilib.
Fərqlənən hərbi vəzifəlilər həvəsləndirilib.
