Fövqəladə Hallar Nazirliyinin (FHN) "112" qaynar telefon xəttinə Binəqədi rayonunda vətəndaşın tikinti kranında köməksiz vəziyyətdə qalması barədə məlumat daxil olub.
Hadisə Binəqədi şossesində baş verib. FHN əməkdaşları dərhal hadisə yerinə cəlb edilib.
Məlum olub ki, 1963-cü il təvəllüdlü Zamiyev Zalı Dünyamalı oğlu təxminən 50 metr hündürlükdəki qülləli kranın kabinasında səhhətinin pisləşməsi səbəbindən köməksiz qalıb.
Xilasedicilər alpinist ləvazimatlarından istifadə edərək vətəndaşı krandan endirib təcili tibbi yardım briqadasına təhvil veriblər.
