Dövlət İmtahan Mərkəzi (DİM) 7 iyun 2026-cı il tarixində I və IV ixtisas qrupları üzrə keçirilmiş qəbul imtahanlarının nəticələrini açıqlayıb.
İmtahanda iştirak edən abituriyentlər nəticələri DİM-in saytından və ya mobil operatorlar vasitəsilə öyrənə bilərlər. Bunun üçün imtahana buraxılış vərəqəsindəki kodu 7727 nömrəsinə göndərmək kifayətdir.
Ümumilikdə 40 504 abituriyentdən 1996 nəfər imtahana gəlməyib, 16 nəfər isə qayda pozuntusuna görə xaric edilib.
I qrup üzrə ən yüksək nəticəni (400 bal) 5 nəfər əldə edib. Onların arasında ən yüksək ümumi nəticə (700 bal) Məcidli Burlaxatun Bəhruz qızına məxsusdur.
IV qrup üzrə ən yüksək nəticəni (400 bal) 2 nəfər göstərib: Əliyeva Aysu Rauf qızı (ümumi 693.6 bal) və Hümbətova Ayan Xəqani qızı.
Apellyasiya üçün müraciətlər 29 iyun saat 10:00-dan 1 iyul saat 17:00-dək DİM-in saytında qəbul ediləcək.
