Böyük Britaniyada 20 ildən çox davam edən boşanma işi nəhayət yekunlaşıb.
“The Times”a istinadən xəbər verilir ki, söhbət Varşa Qohil və Bhadreş Qohil arasında 2002-ci ildən bəri davam edən məhkəmə prosesindən gedir.
Varşa Qohil 37 yaşında boşanma ərizəsi verərək ərini xəyanətdə ittiham etmişdi. 2004-cü ildə ilkin razılaşmada qadına 270 min funt sterlinq və avtomobil verilməsi qərarlaşdırılsa da, sonradan Bhadreş Qohilin gizli aktivləri üzə çıxıb.
2011-ci ildə çirkli pulların yuyulmasına görə 10 il həbs alan kişinin 28 milyon funt sterlinq dəyərindəki aktivləri dondurulub.
İngiltərə və Uels Apellyasiya Məhkəməsi çəkişməyə son qoyaraq Varşa Qohilə 6.6 milyon funt sterlinq kompensasiya ödənilməsinə qərar verib.
