London polisinin kral ailəsini qoruyan xüsusi bölməsindən 21 əməkdaş xidmətdən kənarlaşdırılıb.
Səbəb isə növbətçilik zamanı postda yatmaq və ya icazəsiz iş yerini tərk etmək olub.
Skotland-Yardın açıqlamasına istinadən BBC və CNN-in yaydığı xəbərə görə, qalmaqal may ayında üzə çıxıb.
"The Sun" qəzeti 30-a yaxın polis əməkdaşı barədə təhqiqat başlandığını yazmışdı.
Polis idarəsi ümumilikdə 23 əməkdaşa qarşı intizam tədbiri görüldüyünü bildirib. 21-i işdən kənarlaşdırılıb, 2 nəfər isə müvəqqəti olaraq vəzifəsindən uzaqlaşdırılıb.
Bukingem sarayı isə məsələyə münasibət bildirməyib.
