ABŞ Konqresi təsdiqləməsə, Vaşinqton 250 dollarlıq əskinası dövriyyəyə buraxmayacaq.
Maliyyə naziri Skott Bessent bu barədə açıqlama verib. O, qanun layihəsi qəbul olunmasa, administrasiyanın geri çəkiləcəyini bildirib.
Nazir komitə dinləmələrində qanunlara tam riayət edəcəklərini vurğulayıb.
May ayında Bessent əskinasın dizaynı üzərində işlədiklərini təsdiqləmişdi. O, qanunvericiliyə dəyişiklik zərurətini qeyd etmişdi.
Mövcud qaydalara görə, sağ olan şəxslərin şəkli əskinasda ola bilməz. Lakin Nümayəndələr Palatasında məhdudiyyəti aradan qaldıracaq qanun layihəsi müzakirə olunur.
"The Washington Post" yazır ki, əgər layihə reallaşarsa, Tramp son 150 ildə sağlığında şəkli əskinasda olan ilk şəxs olacaq.
