Belarusun Dyatlovo şəhərində yerləşən Radzivillər sarayı cəmi 90 Belarus rubluna (təxminən 32 ABŞ dolları) satılıb. Hərracın nəticələri TASS tərəfindən Belarus Universal Əmtəə Birjasına istinadən yayılıb.
Saray ikimərtəbəli kərpic binadan, zirzəmi və dörd soyuq tikilidən ibarətdir. Tarixi bina Müqəddəs Roma imperiyasının knyazı Ulrik Kriştof Radzivillə bağlıdır. 1938-2010-cu illərdə burada stomatoloji klinika fəaliyyət göstərib, lakin orijinal memarlıq elementləri qorunub saxlanılıb.
Binanın real bazar dəyəri 255.000 Belarus rublu (təxminən 91.000 dollar) təşkil edir. Alıcı Rusiya vətəndaşı olan bir qadındır. Bu, sarayın ilk satışı deyil - əvvəllər də bir neçə dəfə hərraca çıxarılıb.
