Qazaxıstan, Azərbaycan, Türkiyə və Qırğızıstan arasında beynəlxalq avtodaşımalar üçün icazə blanklarının elektron mübadiləsinə başlanılıb.
Qazaxıstan Nəqliyyat Nazirliyinin rəsmi açıqlamasına görə, bu addım kağız daşıyıcılardan imtina etməyə və bürokratik maneələri azaltmağa imkan verəcək.
İcazə sənədləri artıq ortaq informasiya şəbəkələri üzərindən rəqəmsal qaydada tərtib edilir.
Elektron icazələrlə bağlı bütün detallar, o cümlədən daşıyıcı şirkət və nəqliyyat vasitəsinin məlumatları birbaşa dörd ölkənin məlumat bazalarına ötürülür.
Sistem, saxta icazələrin istifadəsini aşkar edərək sərhəd keçidində qadağa və cərimələr tətbiq edə bilər.
