Britaniyalı Harri Hisman 98 yaşında biplan təyyarəsinin qanadı üzərində uçuş edərək Ginnesin Rekordlar Kitabına düşdü.
O, uçuş zamanı 1000 metr yüksəkliyə qalxdı və 6 dəqiqə havada qaldı. Xüsusi dayağa söykənən Hisman təhlükəsizlik kəmərləri ilə bərkidilmişdi.
Bu ekstremal sınaqla o, uşaq onkologiyası fonduna minlərlə dollar topladı.
Harri Hisman qocalar evində yaşayır və oradakı arzuların həyata keçirilməsi proqramı sayəsində bu xəyalını gerçəkləşdirdi.
Fizioterapevtlər onu uçuşa hazırlayıb, pilləkənlərlə qalxmağı öyrədiblər. Bir il əvvəl o, bunu təkbaşına edə bilmirmiş.
