ABŞ-də 1966-cı ildən bəri ilk dəfə isti qanlı heyvanlarla qidalanan ətyeyən parazit aşkarlanıb.
BBC-nin məlumatına görə, ilk dəfə Meksikada müşahidə edilən bu parazit indi Şimali Amerikaya keçib.
İlk təsdiqlənmiş yoluxma Texas ştatının La-Prayor şəhərində qeydə alınıb. Fermerlər xəstəliyin mal-qaranın sayını azaldacağından və ət qiymətlərini artıracağından narahatdırlar.
Parazit insanlara da yoluxa bilər, lakin risk çox aşağıdır. Yoluxma əsasən xəstə heyvanların daşınması zamanı baş verir. ABŞ Kənd Təsərrüfatı Nazirliyi 20 km-lik karantin zonası yaradıb.












