ABŞ-ın Kaliforniya ştatının Simi-Velli şəhərində dəhşətli qəza baş verib. Ağ rəngli Tesla Model X yüksək sürətlə səkiyə çıxaraq Urbane Cafe restoranının terasına çırpılıb.
Hadisə zamanı kafenin yanından keçən yaşlı qadın həlak olub. Xilasedicilər onu elektromobilin təkərləri altında sıxışmış vəziyyətdə tapıblar. Daha beş nəfər yüngül xəsarət alıb.
Teslanın sürücüsü də yaşlı qadın olub. O, əl və bilək nahiyəsindən yaralanaraq xəstəxanaya yerləşdirilib.
İlkin məlumata görə, qəzaya sürücünün diqqətsizliyi səbəb olub. Polis araşdırmalara davam edir.
