ABŞ ordusu 1961-ci ildən bəri ilk dəfə dörd hərbçini edam edə bilər. ABC telekanalının daxili planlaşdırma sənədlərinə istinadən verdiyi xəbərə görə, məhkumlar qətl və təcavüz cinayətlərinə görə həbs olunublar.
"Qətiyyətli ədalət məhkəməsi əməliyyatı" adlı plan fevralda hazırlanıb. Məhkumlar Kanzasdakı Fort-Livenvort kazarmalarından İndiana ştatının Terre-Hot şəhərindəki həbsxanaya köçürüləcəklər.
Ordu rəsmisi Sintiya Smit son 20 ildə müvafiq təlimlərin keçirildiyini təsdiqləyib. O, bunu Ağ Evdən gələ biləcək sərəncam ehtimalına qarşı standart planlaşdırma adlandırıb.
Sonuncu hərbi edam 1961-ci ildə olub. O zaman sıravi Con Bennet Avstriyada 11 yaşlı qıza təcavüz və qətl cəhdində təqsirli bilinərək edam edilmişdi.
