ABŞ və İran arasında anlaşma memorandumunun pozulmasını izləmək üçün xüsusi informasiya kanalı yaradılacaq.
Oxu.Az-ın ISNA agentliyinə istinadən verdiyi məlumata görə, bu barədə İran xarici işlər nazirinin müavini Kazım Qəribabadi bildirib.
"Müşahidə qrupunun operativ rabitə kanalı sabaha qədər qurulacaq. Anlaşma memorandumundakı çatışmazlıqlar rəsmi şəkildə qeydə alınacaq, müzakirə ediləcək və qərarlar qəbul olunacaq", - deyə o vurğulayıb.
Qeyd edək ki, iyun ayında Vaşinqton və Tehran Livanda hərbi əməliyyatların dayandırılması da daxil olmaqla, bütün cəbhələrdə atəşkəs nəzərdə tutan memorandum imzalayıblar.
Həmçinin, iyunun 21-də İsveçrənin Bürgenştok şəhərində Doha və İslamabadın vasitəçiliyi ilə memorandumun icrası ilə bağlı danışıqlar keçirilib.
