ABŞ İranla danışıqlar zamanı neft sanksiyalarının icrasını müvəqqəti dayandırmağa razılaşıb.
Bu barədə İran danışıqlar qrupuna yaxın mənbəyə istinadən "Tasnim" agentliyi məlumat yayıb.
Mənbənin sözlərinə görə, Vaşinqton əvvəlki təkliflərdən fərqli olaraq, danışıqlar prosesi davam edərkən İrana qarşı neft sanksiyalarını dondurmağı qəbul edib.
Bildirilir ki, yekun razılaşma əldə olunana qədər ABŞ yalnız Maliyyə Nazirliyinin sanksiyalarını ləğv etməyə hazırdır, Tehran isə bütün məhdudiyyətlərin tam aradan qaldırılmasını tələb edir.
