ABŞ-li jurnalist və bloger Kendis Ouens, Fransa Prezidenti Emmanuel Makronun həyat yoldaşı Bricit Makronun əslində kişi olduğuna dair dəlil tapdığını iddia edib.
Oxu.Az-ın məlumatına görə, Ouens TASS-a açıqlamasında deyib: “İstintaq başa çatıb: Bricit Makronun kişi olduğu şübhəsizdir. Mən bu məsələni araşdırdım və deyirəm ki, o, Emmanuelin məktəb müəllimi olub”.
O, əlavə edib: “Dəlilik odur ki, Bricit məni kişi adlandırdığım üçün yox, sənəd oğurluğu ittihamı ilə məhkəməyə verib. O, məni oğru adlandırdığımı iddia edir”.
Kendis Ouens ABŞ-da mühafizəkar dairələrin tanınmış siması və populyar podkastın aparıcısıdır. Onun YouTube kanalının 6 milyondan çox abunəçisi var. 2024-cü ilin martından bəri o, Bricit Makronun kişi doğulduğunu iddia edir. Fransa prezidenti və həyat yoldaşı isə əvvəllər bu iddiaları təkzib edən sübutları məhkəməyə təqdim etməyi planlaşdırırdı.
