ABŞ mayın 20-də Sakit okean üzərində "Minuteman III" qitələrarası ballistik raketini sınaqdan keçirəcək. Raketdə döyüş başlığı olmayacaq.
Oxu.Az xəbər verir ki, bu məlumatı ABŞ Hərbi Hava Qüvvələri yayıb.
"Sınaqların məqsədi silah sistemlərinin dəqiqliyini, hazırlığını və effektivliyini yoxlamaqdır", - deyə açıqlamada qeyd olunub.
Test çoxdan planlaşdırılıb və heç bir qlobal hadisə ilə əlaqəsi yoxdur.
Raket Kaliforniyadakı Vandenberq bazasından Marşall adaları yaxınlığındakı ABŞ poliqonuna atılacaq. Uçuş məsafəsi təxminən 6.800 km olacaq.
"Minuteman III" ABŞ-ın yeganə qitələrarası ballistik raketidir və 12.000 km məsafə qət edə bilir. Hazırda ABŞ-ın 400 belə raketi var.
