ABŞ Polşa ərazisindəki hərbi kontingentini azaltmaq fikrində deyil. Əksinə, qüvvələrin sayının artırılması müzakirə olunur.
Polşanın müdafiə naziri Vladislav Kosiniyak-Kamış jurnalistlərə açıqlamasında bildirib ki, ABŞ hərbçilərinin sayında azalma yoxdur. Əksinə, sayın artırılması üçün səylər göstərilir.
O, Pentaqonun 4 min hərbçinin Polşaya göndərilməsi qərarını ləğv etməsini ABŞ qüvvələrinin yenidən təşkili ilə əlaqələndirib. Kosiniyak-Kamış və Baş Qərargah rəisi Vislav Kukula məsələni Pentaqon rəhbərliyi ilə müzakirə ediblər.
Nazir əlavə edib ki, Vaşinqton Polşada hərbi mövcudluğun genişləndirilməsi barədə yekun qərar verməyib. Hazırda Polşada 10 minə yaxın ABŞ hərbçisi xidmət edir.
