ABŞ bir neçə aydır Qrenlandiyada üç yeni hərbi baza tikintisini Danimarka ilə müzakirə edir.
BBC-yə görə, yanvar ortalarından etibarən ən azı beş görüş keçirilib.
ABŞ nümayəndə heyətinə Dövlət Departamentinin müşaviri Maykl Nidhem rəhbərlik edir. Ağ Ev danışıqları təsdiqləsə də, təfərrüatları açıqlamayıb.
Danimarka Xarici İşlər Nazirliyi də dialoqu təsdiqləyib, lakin əlavə məlumat verməyib.
Bazalar adanın cənubunda qurulacaq və məqsəd Şimali Atlantikada Çin və Rusiya hərbi dəniz fəaliyyətini izləməkdir. Hələ yekun razılaşma yoxdur və baza sayı dəyişə bilər.
