ABŞ-nin 'Vanguard Energy' şirkəti, Kubanın dövlət neft şirkəti 'Cupet'ə qarşı sanksiyalar tətbiq edildikdən sonra bu ölkəyə 250 min barel yanacaq vermək planlarını ləğv edib.
Oxu.Az xəbər verir ki, bu barədə 'Bloomberg' məlumat yayıb. Bildirilib ki, həmin ixrac 1960-cı ildən bəri adaya Amerika yanacağının ən iri göndərişi ola bilərdi.
ABŞ prezidenti Donald Trampın administrasiyası 'Cupet'i sanksiyalar siyahısına saldıqdan sonra şirkət belə tədarüklərin mümkünsüz olduğunu açıqlayıb.
'Vanguard Energy'nin prezidenti Metyu Klann məhdudiyyətlərin ABŞ rəsmilərinin addımları ilə əlaqəli olduğunu vurğulayıb. Şirkət bütün sanksiya tələblərinə riayət etdiyini bildirib.
'Bloomberg' yazır ki, bu qərar Kubada son onilliklərin ən ağır enerji böhranı fonunda qəbul edilib. Vaşinqton Kuba rəhbərliyinin enerji sektorundan istifadə imkanlarını məhdudlaşdırmaq niyyətindədir.
