Avropa Komissiyasının sədri Ursula fon der Lyayen, Rusiyanın tətbiq etdiyi ixrac məhdudiyyətlərinə cavab olaraq İrəvana 50 milyon avro ayıracağını açıqlayıb.
Oxu.Az xəbər verir ki, bu barədə "Reuters" AK-a istinadən məlumat yayıb.
Lyayen, Ermənistanın baş naziri Nikol Paşinyanla telefon danışığında Rusiyanın addımlarını iqtisadi təzyiq adlandıraraq qəbuledilməz olduğunu vurğulayıb. O, Moskvanı tənqid etməklə yanaşı, Aİ-nin son beş ildə üçüncü ölkələrə qarşı ən çox iqtisadi sanksiya tətbiq edən tərəf olduğunu xatırladıb.
Fon der Lyayen, Avropa İttifaqının Ermənistanı qətiyyətlə dəstəklədiyini bildirib və 50 milyon avroluq maliyyə yardımını ehtiva edən xüsusi dəstək paketinin hazırlandığını qeyd edib.
Xatırladaq ki, Rusiya Ermənistandan mineral su, balıq, spirtli içkilər, meyvə-tərəvəz və digər məhsulların idxalını məhdudlaşdırmışdı.
