ABŞ Ali Məhkəməsi Prezident Donald Trampın jurnalist Elizabet Cin Kerrolla qarşı cinsi qısnama iddiası üzrə apellyasiya şikayətini rədd edib.
Beləliklə, aşağı instansiya məhkəməsinin andlılar heyətinin Trampı təqsirli hesab edən qərarı qüvvədə qalır.
Oxu.Az TASS-a istinadən xəbər verir ki, 2023-cü ilin mayında məhkəmə Trampı Kerrolla 5 milyon dollar təzminat ödəməyə məcbur etmişdi.
2024-cü ilin yanvarında isə andlılar məhkəməsi Trampı böhtana görə 83.3 milyon dollar ödəməyə məhkum etmişdi. Ali Məhkəmə apellyasiyanı niyə qəbul etmədiyini açıqlamayıb.
ABŞ Ədliyyə Nazirliyi Kerrollun yalan ifadə verməsi ehtimalı ilə bağlı araşdırma aparır. Məlum olub ki, Kerroll maliyyə dəstəyi almadığını desə də, milyarder Rid Hoffman onun məhkəmə xərclərini ödəyib.
Kerroll 1996-cı ildə Trampın onu cinsi zorakılığa məruz qoyduğunu iddia edir. Münsiflər heyəti zorlama faktını təsdiqləməsə də, Trampı cinsi qısnama təqsirli bilib. Tramp ittihamları siyasi motivli adlandırır.
