Ukrayna Prezidenti Ofisinin sabiq rəhbəri Andrey Yermak 140 milyon qrivna (təxminən 3 milyon dollar) girov ödənildikdən sonra istintaq təcridxanasından azad edilib.
Deputat Aleksey Qonçarenko Telegram kanalında Yermakın təcridxanadan çıxışını göstərən video yayımlayıb. Videoda Yermak və onu müşayiət edən şəxsin qara 'Mercedes-Benz'ə minərək uzaqlaşdığı görünür.
Azadlığa çıxdıqdan sonra Yermak elektron qolbaq taxmalı, Kiyevi tərk etməməli və çağırışa dərhal gəlməlidir. O, həmçinin pasportlarını təhvil verib, digər təqsirləndirilən şəxslərlə əlaqədən çəkinməlidir.
