ABŞ hökuməti Anthropic-ə Fable 5 və Mythos 5 modellərinin xarici istifadəsini məhdudlaşdırmağı əmr etdi. Şirkət hər iki modeli qlobal səviyyədə söndürdü.
Oxu.Az-a görə, qərar ixraca nəzarət direktivi əsasında verilib. Direktiv həm ABŞ-dəki, həm də xaricdəki bütün əcnəbilərin modellərə girişini qadağan edir.
Anthropic açıqlamasında: "ABŞ rəhbərliyi milli təhlükəsizlik səlahiyyətlərinə əsaslanaraq direktiv verdi. Nəticədə hər iki modeli təcili söndürmək məcburiyyətindəyik".
Şirkət təlimatı iyunun 12-si axşamı alıb. Məktubda təhlükə barədə konkret məlumat yoxdur. Hökumət yalnız şifahi şəkildə modellərin qoruyucu məhdudiyyətlərindən yan keçmə üsulu olduğunu bildirib.
Anthropic vurğulayır ki, bu məhdud boşluq universal deyil və yüz milyonlarla istifadəçisi olan kommersiya modelinin geri çağırılması üçün əsaslı səbəb sayılmır.
Təşkilat xəbərdarlıq edir: "Bu yanaşma bütün sənayeyə tətbiq olunarsa, yeni modellərin buraxılışı dayanacaq".
Qeyd edək ki, 2021-ci ildə OpenAI keçmiş əməkdaşları tərəfindən qurulan Anthropic süni intellekt təhlükəsizliyi sahəsində önəmli oyunçudur. Şirkət 2023-cü ilin martında Claude çat-botunu təqdim edib.
2026-cı ilin martında ABŞ Hərb Nazirliyi Anthropic-i təchizat zənciri üçün təhlükə elan edərək əlaqələri kəsib. Münaqişə Pentaqonun məhsullardan bütün qanuni məqsədlər üçün istifadə etmək istəyindən yaranıb.
