"Associated Press" (AP) xəbər agentliyi ABŞ-dəki jurnalistlərə ixtisar qərarını rəsmən elan edib.
Agentlik rəhbərliyi yenidənqurma planı çərçivəsində çap mediasından vizual jurnalistikaya keçid etdiyini bildirir.
İxtisar olunanların dəqiq sayı açıqlanmır. Ancaq son iş gününün mayın 15-i olduğu məlumdur.
AP-nin gəliri son dörd ildə çap nəşrlərindən 25% azalıb. "Gannett" və "McClatchy" kimi nəşriyyatlar 2024-cü ildə əməkdaşlığı dayandırıb.
Agentlik maliyyə problemi olmadığını, dəyişən tələblərə uyğunlaşdığını vurğulayır.
