Avropada cinsi yolla keçən bakterial infeksiyalar, o cümlədən süzənək (qonoreya) və sifilis, son on ilin ən yüksək səviyyəsinə çatıb.
Oxu.Az xəbər verir ki, bu barədə Avropa Xəstəliklərin Qarşısının Alınması və Nəzarət Mərkəzinin (ECDC) hesabatında bildirilir.
Məlumata görə, süzənək halları 2015-ci illə müqayisədə 303% artaraq 106,331-ə yüksəlib. Sifilis halları isə 45,557 olub – 2015-ci ilə nisbətən iki dəfə çox.
ECDC, artımın səbəblərindən birini test və profilaktikadakı tibbi boşluqların genişlənməsi ilə əlaqələndirir.
İspaniya ən çox yoluxma ölkəsidir: 37,169 süzənək və 11,556 sifilis halı qeydə alınıb.
Mərkəz xəbərdarlıq edir ki, müalicə olunmayan infeksiyalar sonsuzluq, ürək-damar və sinir sistemi fəsadlarına səbəb ola bilər.
