Avstraliyada 14 aylıq bir uşaq anasının tort hazırlığı zamanı qızıl qida tozunu udaraq komaya düşdü.
Oxu.Az xəbər verir ki, bu hadisə "News.com.au" portalında işıqlandırılıb.
Ananın bir neçə saniyəlik diqqətsizliyi nəticəsində uşaq qutunu açıb, qapağı çıxararaq tozu nəfəsinə çəkib. Toz ağciyərlərdə nəmlə qarışıb pastaya çevrilərək hava yollarını tamamilə tıxayıb.
Körpə dərhal komaya girib və təcili xəstəxanaya çatdırılıb. Ağciyər əməliyyatından sonra uşaq ayılıb və sağalma prosesi davam edir. Lakin bir müddət fizioterapiya və erqoterapiya almalıdır.
