BƏƏ-nin xarici işlər naziri Şeyx Abdulla bin Zayed Al Nəhyan, Fars körfəzindəki gərginlikdən sonra İranlı həmkarı Abbas Əraqçı ilə telefon danışığı aparıb. Bu, bölgədəki son hadisələrdən sonra iki ölkə arasında ilk birbaşa təmasdır.
BƏƏ Xarici İşlər Nazirliyinin məlumatına görə, Əmirlik diplomatiyasının rəhbəri Abbas Əraqçının zəngini qəbul edib. Görüşdə ABŞ-İran arasında qarşılıqlı anlaşma memorandumunun imzalanmasından sonra regionda yaranmış vəziyyət müzakirə olunub.
Abdulla bin Zayed Al Nəhyan razılaşmanın bütün maddələrinə tam riayət edilməsinin vacibliyini vurğulayıb. O, ciddi diplomatiya və məsuliyyətli dialoqun regional böhranların həllində ən optimal yol olduğunu bildirib.
