ABŞ alimləri beyin xərçənginin ən təhlükəli növü olan qlioblastomaya qarşı fərdiləşdirilmiş vaksin hazırlayıb.
Yeni yanaşma sayəsində dördüncü mərhələ diaqnozu qoyulan xəstə 5 ildən çox yaşayıb.
Vaşinqton Dövlət Universitetinin məlumatına görə, vaksin hər xəstənin şiş hüceyrələrindəki zülalları təhlil edərək fərdi müalicə təklif edir.
9 könüllü üzərində aparılan sınaqlarda xəstələrin 66%-də şiş böyüməsi dayanıb. Üçdə biri 2 ildən çox yaşayıb, bir xəstə isə tam sağalıb.
Hər il dünyada 300 min insanda aşkarlanan bu xəstəlik üçün vaksin böyük ümid verir.
