Bitcoin-in məzənnəsi 60 min dollardan aşağı düşüb. Bu, 2026-cı ilin əvvəlindən bəri üçüncü dəfədir.
Hazırkı qiymət 2025-ci ilin oktyabrında qeydə alınmış 126 min dollarlıq tarixi maksimumdan iki dəfə aşağıdır.
Fevral və iyunun əvvəlindəki enişlərdən sonra Bitcoin yerli minimumdan 10-30% bahalaşsa da, yenidən ucuzlaşıb.
İyunun 5-də 59 min dollara düşdükdən sonra tələbat artıb və qiymət 67 min dollara yüksəlib. Lakin sonra yenidən eniş başlayıb. Hazırkı qiymət iyunun 1-i ilə müqayisədə təxminən 20% aşağıdır.
Səhər saatlarında Bitcoin 63 min dollardan yuxarı olsa da, Bakı vaxtı ilə 16:30-dan sonra kəskin satışlar başlayıb. Saat 20:00-a olan məlumata görə, Binance platformasında BTC 59 622 dollar olub.
Coinglass xidmətinin məlumatına görə, bir saat ərzində Bitcoin-in bahalaşacağına mərc edən treyderlərin 100 milyon dollar dəyərində uzun mövqeləri zərərlə bağlanıb. Ən böyük birdəfəlik likvidasiya isə Binance-də 12 milyon dollar olub.
Bitcoin-in ucuzlaşması fonunda digər kriptovalyutalar da dəyər itirib. CoinMarketCap-ə görə, ən böyük 100 kriptovalyutanın hamısı mənfi dinamika nümayiş etdirib.
Kriptovalyuta bazarının ümumi kapitallaşması bir sutkada 2.15 trilyon dollardan 2.04 trilyon dollara azalıb.
