BMT sözçüsü Stefan Düjarrik, təşkilatın müflis olması üçün konkret tarix olmadığını bildirib. O, üzv dövlətləri maliyyə öhdəliklərini yerinə yetirməyə çağırsa da, vəsaitlərin tam tükənəcəyi kritik anı dəqiq göstərə bilmir.
"Qiyamət günü ssenarisi üçün müəyyən edilmiş konkret bir tarix yoxdur", - deyə Düjarrik qeyd edib.
Ötən həftə Çin tərəfindən təxminən 800 milyon dollar məbləğində qismən ödəniş həyata keçirilib. Düjarrik bunu "müsbət hal" kimi qiymətləndirib.
Daha əvvəl "The Wall Street Journal" yazmışdı ki, BMT ABŞ və Çindən daxil olan ödənişlərin gecikməsi səbəbindən maliyyə böhranı həddinə yaxınlaşıb.
