Dünyada 2.8 milyard insan adekvat mənzil şəraitindən məhrumdur. Bu, BMT rəsmisi Elizabeth Maruma Mremanın Ümumdünya Şəhərsalma Forumunda səsləndirdiyi narahatlıqdır.
O, bəzi tikinti şirkətlərinin iqlim şəraitini nəzərə almadığını, yalnız mənfəət əldə etməyə çalışdığını bildirib. Nəticədə həmin binalarda yaşayan və çalışan insanlar mənfi təsirlərə məruz qalır.
BMT rəsmisi qeyd edib ki, əsas problem maliyyələşdirmə ilə bağlıdır. Tikintidə dayanıqlı olmayan materiallardan istifadə olunur, keyfiyyətli ləvazimatlara üstünlük verilmir. Siyasi və institusional səviyyədə də boşluqlar var, nəzarət mexanizmləri effektiv deyil.
