Şotlandiyanın "Boards of Canada" elektron musiqi qrupu ABŞ Prezident Administrasiyasını musiqilərindən icazəsiz istifadə etdiyinə görə qınayıb.
Qrup, Ağ Evin sosial mediada yayımladığı bir videoda "Deep Times" mahnısının icazəsiz istifadə edildiyini bildirib.
"Warp Records" səsyazma şirkəti ilə birlikdə qrup, siyasi mesajlar üçün musiqilərindən istifadəyə icazə vermədiklərini açıqlayıb. Ağ Evdən hələlik reaksiya gəlməyib.
