Türkiyənin Bodrum Şəhər Məhkəməsi 2023-cü ildə iki Rusiya vətəndaşının qətlində ittiham olunan Litva vətəndaşı Andrey Kuşleviçi ikiqat ömürlük həbsə məhkum edib.
Məhkəmə iclası mayın 13-də keçirilib. Təqsirləndirilən şəxs günahını etiraf etməyib və apellyasiya şikayəti verəcəyini bildirib.
Məhkəmə Kuşleviçi keçmiş həyat yoldaşı İrina Dvizovanı və 15 yaşlı qızını qəsdən, ağırlaşdırıcı hallarla qətlə yetirməkdə təqsirli bilib. Hökmün yüngülləşdirilməyəcəyi vurğulanıb.
Kuşleviçin vəkili isə sübutların kifayət olmadığını və hökmün ehtimallara əsaslandığını bildirib.
Xatırladaq ki, İrina Dvizova və qızının meyitləri 2023-cü il noyabrın 28-də İçmələr rayonunda tapılıb. Onlar bükülmüş vəziyyətdə, güllə yaraları ilə aşkarlanıb.
Şübhəli şəxs cinayətdən sonra silahı atıb, Litvaya qaçıb. Dvizova ilə keçmiş əri arasında uşağın qəyyumluğu ilə bağlı mübahisə olduğu bildirilir.
