Böyük Britaniyanın Çelmsford şəhərindəki "Nyu-Holl" məktəbinin ərazisində Tüdor dövrünə aid tunellər aşkar edilib.
Bu tunellərin VIII Henrinin itirilmiş Bolye sarayı ilə əlaqəli ola biləcəyi ehtimal edilir. Tapıntı arxeoloqların diqqətini cəlb edib.
Oxu.Az "Heritage Daily" nəşrinə istinadən xəbər verir ki, araşdırmalar davam edir. Bərpa işləri zamanı yeraltı kərpic tunelin girişi aşkarlanıb.
Yeraltı keçidlə yanaşı, keramika parçaları, qablar, şüşə butulkalar və heyvan sümükləri də tapılıb. İlkin tədqiqatlar tapıntıların Tüdor dövrünə aid olduğunu göstərir.
Tapıntı məktəb şagird və müəllim heyətinin də marağına səbəb olub. Tunellərin dəqiq təyinatı hələlik məlum deyil.
Tarixçilər tunellərin xidmət keçidləri, saray infrastrukturu və ya anbar kimi istifadə olunduğunu düşünürlər. Əlavə araşdırmalar qarşıdakı aylarda davam edəcək.
