Böyük Britaniyanın bp şirkəti restrukturizasiya planını açıqlayıb.
İyulun 1-dən etibarən bp-nin biznesi üç bölmədən iki əsas bölməyə keçəcək: 'hasilat' (Upstream) və 'emal' (Downstream). Əvvəlki strukturda 'istehsalat və əməliyyatlar', 'qaz və aşağıkarbonlu energetika' və 'müştəri xidməti və məhsula nəzarət' bölmələri var idi.
bp-nin rəhbəri Meq O'Nil yeni strukturun əməliyyatları sadələşdirəcəyini və səmərəliliyi artıracağını bildirib. Xəbər sonrası bp səhmləri 2.2% ucuzlaşıb.












