Böyük Britaniyanın bütün nüvə sualtı qayıqları sıradan çıxıb və texniki xidmətə ehtiyac duyur. Bu barədə "The Telegraph" nəşri mənbələrə istinadən məlumat yayıb.
Mövcud döyüş nüvə sualtı qayıqlarının bütün donanması hazırda Hərbi Dəniz Qüvvələrinin bazalarında limanda saxlanılır. "Astute" sinfinə aid beş Britaniya sualtı qayığı texniki xidmət və təmir gözləyir. Altıncı sualtı qayıq isə hələ tapşırıqları yerinə yetirməyə hazır deyil.
Yeni "Dreadnought" sinfinə aid sualtı qayıqların xidmətə qəbuluna isə hələ uzun illər qalır.
Bundan əvvəl Böyük Britaniya Hərbi Dəniz Qüvvələrinin Baş Qərargah rəisi Qvin Cenkinz bildirib ki, donanma fəaliyyət vaxtının üçdə birini "Rusiya təhlükəsi" ilə mübarizəyə sərf edir.
