Bu gün Gürcüstanda Bakı-Tbilisi-Qars (BTQ) dəmir yolu xəttinin modernləşdirilmədən sonra rəsmi açılış mərasimi keçirilir.
Mərasim Axalkalaki dəmir yolu və logistika kompleksində baş tutur. Azərbaycan, Gürcüstan və Türkiyənin yüksək vəzifəli rəsmiləri iştirak edir.
Tədbirdə Gürcüstan Baş naziri İrakli Kobaxidze, nazirlər və digər rəsmi şəxslər çıxış edəcəklər. Simvolik istifadəyə verilmə və videoçarx nümayişi də planlaşdırılır.
BTQ üç ölkənin birgə strateji layihəsidir. Modernləşdirmə nəticəsində illik yükdaşıma qabiliyyəti 1 milyon tondan 5 milyon tona yüksəlib.
Xəttin tam istismara verilməsi Orta Dəhlizin imkanlarını genişləndirəcək, Çin və Mərkəzi Asiyadan Avropaya yükdaşımaları artıracaq.
