Cənubi Koreyanın Tecon şəhərində yerləşən "Hanwha Aerospace" müdafiə zavodunda güclü partlayış baş verib.
Hadisə nəticəsində azı 4 nəfər həyatını itirib, 2 nəfər isə yaralanıb.
"Yonhap" agentliyinin yerli polisə istinadən verdiyi məlumata görə, partlayış yerli vaxtla səhər saat 10:59-da qeydə alınıb.
Prezident Li Cje Myon dərhal reaksiya verərək bütün resursların səfərbər edilməsini əmr edib.
Yanğınsöndürənlər partlayışdan sonra başlayan yanğını söndürməyə çalışır. Xilasetmə işləri davam edir.
İlkin araşdırmalar partlayışın zavodun birinci mərtəbəsində mühərrik yanacağının alovlanması nəticəsində baş verdiyini göstərir.
