ABŞ-də Mərkəzi Kəşfiyyat İdarəsinin (CIA) keçmiş əməkdaşı Devid Raş 40 milyon dollar dəyərində 300 qızıl külçənin oğurlanması ittihamı ilə həbs edilib.
Oxu.Az CBS telekanalına istinadən xəbər verir ki, müstəntiqlər külçələri keçmiş xüsusi xidmət əməkdaşının evində aşkar ediblər. Hər bir külçənin çəkisi bir kiloqramdan çox olub. Evdə həmçinin iki milyon dollar nağd pul və 35 ədəd lüks saat müsadirə edilib.
Raş təkcə oğurluqda deyil, həmçinin şişirdilmiş maaş almaqda, hərbi xidmət məzuniyyətini dələduzluq yolu ilə rəsmiləşdirməkdə və silahlı qüvvələrdə xidməti ilə bağlı yalan məlumat təqdim etməkdə şübhəli bilinir.
Hazırda saxlanılan şəxs barəsində həbs-qətimkan tədbirinin seçilməsi üçün məhkəmə iclası gözlənilir. Məhkəmə dinləmələri iyunun 5-nə təyin olunub.
