Çin Xalq Respublikasının mərkəzi və cənub bölgələrində davam edən güclü leysan yağışları ağır daşqınlara səbəb olub. Bu təbii fəlakət nəticəsində 10 nəfər həyatını itirib.
Oxu.Az xəbər verir ki, məlumat "Reuters" agentliyinə istinadən yayılıb. Çinin cənub və mərkəzi hissələrində fasiləsiz yağan yağışlar irimiqyaslı selə yol açıb. Sel suları nəticəsində ən azı 10 nəfər ölüb.
Daşqınlar səbəbindən məktəb və iş yerlərinin fəaliyyəti dayandırılıb. Elektrik enerjisi təchizatı və nəqliyyatda ciddi problemlər yaranıb.
Çin Meteorologiya İdarəsinin məlumatına görə, ən çox zərər çəkən əyalətlər Cianqşi, Anhui, Hunan, Hubey, Quanqşi, Quanqdonq və Haynandır. Quanqşi rəhbərliyi 4000-dən çox vətəndaş üçün 99 sığınacaq yaradıb və 7000-ə yaxın insan təxliyə edilib.
