Futbol üzrə dünya çempionatı (DÇ-2026) başlayandan bəri ABŞ hüquq-mühafizə orqanları stadionların yaxınlığında icazəsiz uçurulan 400-dən çox PUA-nı ələ keçirib.
Oxu.Az xəbər verir ki, bu barədə FTB rəhbəri Keş Patel sosial şəbəkədə məlumat verib.
“Bütün ölkə boyu digər xidmətlərlə əməkdaşlıq çərçivəsində uçuşsuz zona təyin edilmiş obyektlərin yaxınlığında havaya qaldırılan 400-dən çox dronu müsadirə etdik”, - deyə Patel bildirib.
O əlavə edib ki, ev sahibi 11 şəhərdə PUA-ları ələ keçirmək üçün xüsusi yerüstü qruplar yerləşdirilib.
ABŞ Mülki Aviasiya İdarəsi DÇ-2026 üçün 23 stadion ətrafında uçuş qadağası zonaları tətbiq edib. Qadağaları pozanlar 75-100 min dollar cərimə və dron müsadirəsi ilə üzləşəcək.
DÇ-2026 iyunun 11-dən iyulun 19-na qədər ABŞ, Kanada və Meksikada keçirilir.
