Əfqanıstanda qızlar üçün nikah yaşı faktiki olaraq 9 yaşa endirilib.
Oxu.Az "The Times" qəzetinə istinadən xəbər verir ki, bu dəyişiklik "Ərlə arvadın məhkəmə qaydasında ayrılması məcəlləsi"ndə əks olunub. Qərar Taliban lideri Heybətullah Axundzadə tərəfindən təsdiqlənib.
Sənəddə qızların nikah yaşı cinsi yetkinlik dövrü ilə əlaqələndirilib, bu da 8 yaşdan başlaya bilər. Yerli şəriətə görə minimum yaş 9 müəyyən edilib.
Əvvəllər rəsmi nikah yaşı qızlar üçün 16, oğlanlar üçün 18 idi. 16 yaşdan kiçik qızların evlənməsi üçün xüsusi icazə tələb olunurdu.
